Les mots surlignés font l'objet d'une note
1Reçue à Montélimar, le 20 juillet 1573. Répondue le 21 juillet 1573.
2Monsieur de Gordes, vous scavez mieulx que nul autre les mauvais deportements dont le
3gouverneur d’Oranges, Barchon, a usé ainsi quil continue ordinairement, à lencontre de
4mes subgectz et de mes voysins et desquelz aussi mavez souvent faict plaincte,
5ce que je n’ay peu dissimuler, ains lay bien faict entendre à mon cousin le
6prince d’Oranges ; surquoy il a depesché devers moy ce porteur par la bouche
7duquel, il ma asseuré que ledit Barchon faisoit entièrement au contraire de son intention.
8Pour ceste cause, luy commandoit expressement par ledit porteur que non seullement
9il eust à se departir de telle façon de faire et mieulx user de lauctorité quil luy avoit
10donné ; mais davantage, ne faillist à faire restituer tout ce que par luy ou les
11siens pourroit avoir esté prins sur mes subgectz et autres mes voysins et amiys.
12En somme, monsieur de Gordes, il ne se pourroit exprimer ung plus grand regret que
13porte mondit cousin le prince d’Oranges desdits mauvais deportements dudit Barchon
14ny faire plus grande demonstration de bonne volonté ; et daultant que vous scavez
15aussi très bien le langage quil sera bon et à propos que cedit porteur tienne audit Barchon
16de la part de son maistre, car il a tout commandement et charge generalle de luy pour
17cest effect, jay advisé de le vous envoyer et vous pris de le bien instruire de tout ;
18et que sa venue puisse proffiter en quelque chose, enquoy je masseure que
19particulièrement et d’affection, il fera son debvoir, estant telle la volonté de sondit
20maistre. Priant Dieu vous avoir, monsieur de Gordes, en sa garde sainte. Escrit
21au chasteau de Boulogne, le VIIIe jour de juillet 1573
22Charles
23De Neuville